காவிரி டெல்டா பாசனத்திற்காக மேட்டூர் அணையை அமைச்சர் வீரபாண்டிஆறுமுகம் இன்றுமாலை திறந்துவைக்கிறார்.

விலைவாசி உயர்வு குறித்து எதிர்கட்சியினர் கடும் அமளியில் ஈடுபட்டதால் இன்று நாள்முழுவதும் மாநிலங்களவை ஒத்திவைக்கப்பட்டது.

முல்லைபெரியாறு அணையை உடைக்கும் முயற்சியில் கேரள அரசு ஈடுபட்டுவருவதாக ம.தி.மு.க.பொதுச்செயலாளர் வைகோ குற்றம்சாட்டியுள்ளார்.

வன்னிய சமூகத்தினருக்கு 20 சதவீத இடஒதுக்கீடு வழங்க வலியுறுத்தி பாட்டாளி மக்கள் கட்சி சார்பில் தூத்துக்குடியில் ஆர்ப்பாட்டம் நடைபெற்றது.

இந்திய தலைமைத் தேர்தல் புதிய ஆணையராக குரோஷி நியமிக்கப்பட வுள்ளார். இதற்கான ஒப்புதலை குடியரசுத் தலைவர் பிரதீபாபாட்டீலிடம் பெற்றப்பட்டுள்ளது.

ஈழத்தமிழர் அகதிகள் முகாம்களை பார்வையிடுவதற்காக இலங்கைக்கு அனைத்துக் கட்சிக்குழுவை அனுப்பிவைக்கவேண்டும் என்று மார்க்சிஸ்ட் கம்யூனிஸ்ட் கட்சி மத்திய அரசை வலியுறுத்தியுள்ளது.

மயிலாடுதுறை அருகேயுள்ள தேரெழும்பூரில் புதிய பள்ளிவாசல் திறப்பு விழா நடைபெற்றது.

ஜூனியர் ரெட்கிராஸ்' அமைப்பின் செயல்பாடுகள் குறித்த பொதுக்குழுக் கூட்டம் ராமநாதபுரத்தில் நடைபெற்றது.

பெருந்துறை சிப்காட் வளாகத்தில் நச்சுக்கழிவு கிடங்கு அமைக்க திட்டமிட்டிருக்கும் தமிழக அரசை கண்டித்து ஈரோடு புறநகர் மாவட்ட அ.தி.மு.க.சார்பில் அடுத்தமாதம் இரண்டாம்தேதி ஆர்ப்பாட்டம் நடத்தப்படும் என்று ஜெயலலிதா அறிவித்துள்ளார்.

கல்வி வளர்ச்சியில் தி.மு.க அரசு அதிக அக்கறை செலுத்தி வருவதாகவும், கல்விக்கு செலவிடுவதற்கு இந்த அரசு ஒருபோதும் தயங்காது என்றும் முதலமைச்சர் கருணாநிதி தெரிவித்துள்ளார்.

மேலும்