சென்னையில் புதிய சட்டப்பேரவை கட்டிட திறப்பு விழா நாளை மறுநாள் கோலாகலமாக நடைபெறவுள்ளது. விழாவில் மன்மோகன் - சோனியா உள்ளிட்டோர் பங்கேற்பதால் பாதுகாப்பு ஏற்பாடுகள் தீவிரப்படுத்தப்பட்டுள்ளது.

மகளிர் இட ஒதுக்கீடு மசோதா நிறைவேற்றப்பட்டது. வரவேற்கத்தக்கது அதே சமயம் உள் ஒதுக்கீட்டையும் உடனடியாக வழங்க வேண்டும் என்று விடுதலைச் சிறுத்தை கட்சி தலைவர் தொல்.திருமாவளவன் வலியுறுத்தினார்.

பென்னாகரம் தொகுதியில் அதிகாரிகள் நடுநிலையாக செயல்படுகிறார்களா? என்பதை கண்காணிக்க தொகுதி நிலைக்குழு அமைக்க வேண்டும் என்ற பா.ம.க. நிறுவனர் மருத்துவர் இராமதாஸ் வலியுறுத்தினார்.

பென்னாகரம் தொகுதி இடைத் தேர்தலுக்கான வேட்புமனு தாக்கல் நேற்றுடன் நிறைவடைந்தது. இடைத் தேர்தலில் போட்டியிட 25 சுயேட்சைகள் உட்பட 37 பேர் வேட்பு மனு தாக்கல் செய்துள்ளனர்.

புதுச்சேரியில் தலித் மின்சார ஊழியர்கள் சங்கத்தின் சார்பில் உண்ணாவிரதப் போராட்டம் நடைபெற்றது.

வால்பாறையில் புதிய நீதிமன்ற கட்டிடம் கட்டுவதற்கான தொடக்க விழா நடைபெற்றது. இதனை நீதித்துறை நடுவர் தட்சணாமூர்த்தி தொடங்கி வைத்து நலதிட்ட உதவிகளை வழங்கினார்.

சென்னை நந்தனத்தில் தேவர்சிலை உடைக்கப்பட்ட சம்பவத்திற்கு கடும் கண்டனம் எழுந்துள்ளது. இதனை கண்டித்து கோவில்பட்டியில் பசும்பொன்தேவர் மக்கள் இயக்கம் சார்பில் உண்ணாவிரதப் போராட்டம் நடத்தப்பட்டது.

மதுரை அரசு போக்குவரத்து கழகத்தின் விதிமுறை மீறல்களை கண்டித்து உண்ணாவிரதப் போராட்டம் நடத்தப்பட்டது. இதில் ம.தி.மு.க. பிரமுகர்கள் பலர் பங்கேற்றனர்.

இந்திய குடியரசு கட்சி சார்பில் கண்டன ஆர்ப்பாட்டம் நடத்தப்பட்டது. இதில் பஞ்சமி நிலங்களை மீட்க தனி ஆணையம் நியமிக்க வேண்டும் என்று வலியுறுத்தப்பட்டது.

தூத்துக்குடி மாவட்டம் கோவில்பட்டியில் தொடக்க கூட்டுறவு சங்க பணியாளர்கள் ஆர்ப்பாட்டத்தில் ஈடுபட்டனர். புதிய ஊதிய உயர்வினை உடனடியாக அமல்படுத்த வேண்டும் என்று வலியுறுத்தப்பட்டது.

மேலும்